Rosa, Tamara und Leona Lüthi aus Detligen

E nöii Chuchi, das wär ä Hit, drum mache mir doch da grad sehr gärn mit. Die 50 jährigi Chuchi gheit scho chlei vonang, drum het mä mängisch äs Schäftlitöri i dr Hang, d'Schublade die chlemme u hei hert, o we mä das doch gar nid wet. Choche u bache isch öppis wo mir sehr gärn mache. We Güetzi-Zyt isch, de louft dr Ofe warm, dä arm. De tüe mir a üsi Fründe dänke u die Güetzi sehr gärn verschänke. D'Chuchi isch dr Ort zum gmüetlich zämmä si, leider isch sie mängisch z'chli. Sigs bim ässe, trinke, spiele, jasse u drzue tuet o dr Eierzwätschge passe. Itz danke mir, für öii Stimme u wes sött klappe, mit der nöie Chuchi, de tüe mir de chlei usprobiere u de gits de sicher öppis zum degustiere. Merci viu viu mau, für öii Stimme. Liebi Grüess vor Familie Lüthi