Roger Duft

Roger Duft Moderator

E-Mail: [email protected]

  • Musig wo‘s bringt: The Pretty Reckless - so zimli aues vo dere junge Bänd isch eifach starch, vor auem d' Rock-Röhre vor Leadsängere Taylor Momsen (jawohl, die vo "Gossip Girl). Die isch nid nume uf CD dr Hammer, sondern live sogar der Ober-Hammer 
  • Äs Hobby wo‘s bringt: Serie u Fiume luege, u ab u zue  chli Tennis spile, für dass me sech cha vormache, me heig au das Fernseh-Fueter, wo me während em Luege iiwirft grad wider abspräckt
  • Äs Reiseziu wo‘s bringt: D'Weschtküschte vo Amerika, u de unbedingt zum  Grand Canyon u dür ds Monument Valley. Wär, so wie ig, "Thelma & Louise" aus Lieblingsfilm het, muess die Bilder eifach o mau live gseh ha. Eifach dr Filmsoundtrack im Outo drzue nid vergässe...  
  • Ä Fium wo's bringt: Muess i das itz würklech zwöimau schribe? Lueget eifach grad bim Punkt vorhär verbi...
  • Äs Buech wo's bringt: We dr Stephen King es Buech usebringt, stah ni am gliche Tag no ir Buechhandlig. Wär "Die Arena" (engl. Titel "Under the Dome") no nid gläse het, het itz grad dr perfekt Tipp für d' Ferielektüre. E King wie us sine beschte Zyte, so guet wie lang nümm. U wiu ds Buech wit über 1000 Site het, längts sicher o für die ganz länge Summerferie.
  • Äs Menü wo's bringt: "Datei" - "Speichern" - het mer scho mängi Stund Arbeit vor em wortwörtliche Absturz grettet
  • Ä Ort wo’s bringt: Bärn - ömu im Summer. Wed da no Gäud usgisch für wit wäg, bisch säuber tschuld
  • Äs Läbäsmotto wo‘s bringt: Ds Läbe isch eifach ds churz für ne schlächte Luun!

Back to top