Ruhige, aber feierliche Pokalübergabe

Nachem letschte Heimspiu - hettne d Mannschaft gester Abe endlech chönne id Finger näh. Der Meister-Pokau isch de Young Boys gester offiziell übergä worde. Dr toosend Applous het zwar gfehlt - d Freud ischem Team aber gliich is Gsicht gschribe gsi, Bern1-Reporterin Livia Middendorp…. >>> Bern: YB darf Meisterpokal in die Luft stemmen Es sig zwar e nüchterni und sachlechi Pokau-Übergab gsi - verzeut üse Sportreporter Albi Saner - aber derfür heig ne d Reaktion vo de YB-Spiller gfreut… >>> Ton Albi Di grossi Party mit de Fäns isch zwar usblibe - mit-apploudiert het derfür aber unger angerem o d YB-Legende Gürkan Sermeter, wo o nid öppe niidisch isch, dass nid er der Titu het chönne hole… >>> Ton Sermeter Gliich geits em Gaetano Giallanza, im 1995 und 2004 YB-Spiller - und inzwüsche Spillervermittler. >>> Ton Giallanza So het YB der Meister-Pokau gester im chliine Rahme gfiiret. D Fäns si di meiste brav deheime gsi - zwar hets vorem Match e Asammlig vo Fans gä, wo der Spillercar isch acho - heisst vor Kantonspolizei Bern. -grösseri Asammlige rund ums Stadion und ir Stadt hets keni gä.