Waffenstillstand in Nahost

Sit hüt Nacht am Zwöi flüüge keni Rakete meh uf Israel - weder vor Hamas usem Gazastreife, no vor Hisbollah usem Libanon. Und die israelischi Armee flügt o keni Luft-Agriffe meh im Gazastreife. Nach 11 Tag Krieg git's iz ä Waffe-Stillstand im Nahost-Konflikt, zwüsche Israel u de radikale Palästinenser. Wie sy d'Reaktione dadruf? - das frage mir üser BERN1-Korrespondente. Gil Yaron, Dir sit zwar ds Tel Aviv in Israel, aber heit Dir o mitbecho wie d'Palästinenser uf die Waffenrueh reagiert hei? -> Gil Yaron 1: Reax Pälästinenser (29) ..d'Zivilbevölkerig im Gazastreife het am Meiste glitte unger däm Krieg. Wie sy de iz dä Vormittag d'Reaktione in Isreal selber gsy? - wie geit da ds Lebe wyter? ->> Gil Yaron 2: Reax Israel und Hisbollah Libanon (30) ..Dir heit o dr US-Präsident Joe Biden atönt. Da frage mir doch üsi USA-Korrespondetin Tina Eck, wie het dr Biden Stellig bezoge? ->> Tina Eck 3: Reaktion USA (21) ..us dr internationale Staate-Gmeinschaft git's also Reaktione vo Erliechterig u Hoffnig. Vor Schwiz gits bis iz ke offizielli Stellignahm: Weder dr Ussenminister Ignazio Cassis, no ds EDA, ds Departement für ds Üssere, hei sich güsseret.